2021 წელს მთავრობა 18,384 მლრდ ლარის დახარჯვას გეგმავს, ეს კი მიმდინარე წელთან შედარებით 2.4 მლრდ ლარით მეტია. 2020 წლის ბიუჯეტის გეგმის მიხედვით, ხარჯები 15,923 მლრდ ლარს შეადგენს. პროექტის მიხედვით, იზრდება როგორც საბიუჯეტო ორგანიზაციებში დასქმებულთა რიცხვი, ასევე სახელფასო ფონდი. კერძოდ, 2021 წელს მომუშავეთა რიცხოვნობა იქნება 112 570 (2020 წელს იყო 112 214), სახელფასო ფონდი კი 1,556 მლრდ ლარიდან 1,778 მლრდ ლარამდე იზრდება.
რაც შეეხება სამინისტროების დაფინანსებას, პროექტის მიხედვით, ყველაზე მეტი თანხა ისევ ჯანდაცვის სამინისტროსთვისაა გამოყოფილი.
ბიუჯეტის განახლებული პროექტის მიხედვით, სამინისტროების ასიგნებები ასე გადანაწილდა:
მთავრობის ადმინისტრაცია - 16,000 მლნ ლარი
ფინანსთა სამინისტრო - 88,900 მლნ ლარი
ეკონომიკისა და მდგრადი განვითარების სამინისტრო - 469,815 მლნ ლარი
რეგიონული განვითარებისა და ინფრასტრუქტურის სამინისტრო - 2,371 მლრდ ლარი
იუსტიციის სამინისტრო - 246,500 მლნ ლარი
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო - 5,563 მლრდ ლარი
საგარეო საქმეთა სამინისტრო - 174,200 მლნ ლარი
თავდაცვის სამინისტრო - 900,000 მლნ ლარი
შინაგან საქმეთა სამინისტრო - 790,000 მლნ ლარი
გარემოს დაცვისა და სოფლის მეურნეობის სამინისტრო - 463,575 მლნ ლარი
განათლების, მეცნიერების, კულტურისა და სპორტის სამინისტრო - 1,802 მლრდ ლარი
ავტორ(ებ)ი : geotimes.ge