37 წლის ადამო კანტომ, რომელიც ხუთი წლის განმავლობაში ბუკინგემის სასახლეში მუშაობდა, ლონდონში გამართულ სასამართლო პროცესზე აღიარა, რომ მან ბრიტანეთის დედოფლის რეზიდენციიდან ძვირფასეულობა მოიპარა.

2019 წლის 11 ნოემბრიდან 2020 წლის 7 აგვისტომდე მამაკაცმა მოიპარა პრინც უილიამისა და ქეით მიდლტონის ოფიციალური პორტრეტი მათი ავტოგრაფებით, პრინც ჰარის პორტრეტი, ალბომი სამეფო ბანკეტის ფოტოებით, სადაც აშშ-ის ყოფილი პრეზიდენტის, დონალდ ტრამპის პატივსაცემად გაიმართა და კიდევ მრავალი ნივთი. მოპარული ნივთები მამაკაცმა eBay-ის ონლაინ აუქციონზე განათავსა.

ცნობილია, რომ საერთო ჯამში, ბუკინგემის სასახლიდან 77 ნივთია მოპარული. აუქციონში კი მან 37 განათავსა. მამაკაცის მიერ მოპარული 77 ნივთის საერთო ღირებულება 135 000 აშშ დოლარს აღწევს.

ამჟამად ეჭვმიტანილი გირაოს სანაცვლოდ გაათავისუფლეს, თუმცა მას პატიმრობა ემუქრება. მომხდართან დაკავშირებით მიმდინარეობს გამოძიება.