პარტია „ლელოს“ ცენტრალურ ოფისში ოპოზიციური პარტიების ლიდერებმა შეხვედრა გამართეს. „სტრატეგია აღმაშენებლის“ ლიდერის, გიორგი ვაშაძის განცხადებით, ოპოზიციასა და ხელისუფლების შეთანხმების თვალსაზრისით „საკმაოდ მძიმე ვითარებაა“.

"ვისაუბრეთ ვითარებაზე, რომელიც არის როგორც პოლიტიკური, ასევე კორონაკრიზისის თვალსაზრისით, ძალიან მძიმე ვითარებაა ქვეყანაში. პირდაპირ, გულწრფელად ვეუბნები ყველას, რომ საკმაოდ მძიმე ვითარება არის ოპოზიციისა და ხელისუფლების შეთანხმების თვალსაზრისით, როგორც ჩანს“, - განაცხადა გიორგი ვაშაძემ.