ევროპის სამთო-სათხილამურო კურორტები საფრანგეთში, გერმანიასა და იტალიაში საშობაო არდადეგებზე არ გაიხსნება, ანუ ზამთრის ტურისტული სეზონი ამ ქვეყნებში 2021 წლის იანვრის ბოლომდე დაიხურება. არაა გამორიცხული, კონკურენციის თავიდან აცილების მიზნით, ეს შეზღუდვა ევროკავშირის ყველა ქვეყანაზე გავრცელდეს. წერს CNN- ი


გერმანიის, საფრანგეთისა და იტალიის ხელისუფლების წარმომადგენლები მოუწოდებენ მოქალაქეებს არ იმოგზაურონ მეზობელ ქვეყნებში ზამთრის მთის კურორტებზე დასასვენებლად და სასრიალოდ, წინააღმდეგ შემთხვევაში, სამშობლოში მათ მკაცრი 10-დღიანი კარანტინის გავლა მოუწევთ. საშობაოდ სათხილამურო კურორტების გახსნას აანონსებს ესპანეთიც. ხოლო შვედეთსა და ნორვეგიაში ჯერ ზუსტად არ არის მიღებული გადაწყვეტილება გახსნასთან დაკავშირებით.