„როგორც კი, საქართველო თავისი დემოკრატიული სტანდარტებით დაუახლოვდება ნატო-ს სტანდარტებს, ქვეყნის გაწევრიანებაც დაჩქარდება“ - ამის შესახებ „ლელო საქართველოსთვის“ ერთ-ერთმა ლიდერის ბადრი ჯაფარიძემ ჟურნალისტებს განუცხადა.
მისი თქმით, ნატო-სა და ევროატლანტიკურ სტრუქტურებში საქართველოს გაწევრიანება დაჩქარდება მხოლოდ მას შემდეგ, რაც ერთხელ და სამუდამოდ წერტილი დაესმება არჩევნების გაყალბებას.
„ნებისმიერი ფორმით ნატო-სთან დაახლოება არის ძალიან მნიშვნელოვანი, მაგრამ უნდა გვესმოდეს, რომ ნატო-სა და ევროატლანტიკურ სტუქტურებში ჩვენი ქვეყნის დაჩქარებული გაწევრიანება მოხდება მხოლოდ მას შემდეგ, რაც ჩავატარებთ ამ ქვეყანაში ისეთ არჩევნებს, რომელიც ზუსტად ასახავს ჩვენი ხალხის ნებას“, - განაცხადა ჯაფარიძემ.
ავტორ(ებ)ი : geotimes.ge