აშშ-ში „კოვიდ-19“-ით ერთ დღეში გარდაცვლილთა რეკორდული მაჩვენებელი დაფიქსირდა - 3 157 შემთხვევა. მონაცემებს ჰოპკინსის უნივერსიტეტი ავეყნებს. წინა დღის მაჩვენებელი ქვეყნის მასშტაბით 2 760 იყო. ჰოსპიტალიზებული პაციენტების რიცხვმა კი 100 ათასს გადააჭარბა. ქვეყანაში კორონავირუსის 14 მილიონამდე შემთხვევაა გამოვლენილი. მათ შორის ლეტალური აღმოჩნდა 275 ათასზე მეტი. სავარაუდოდ, გარდაცვლილთა რიცხვი თებერვლისთვის 450 ათასს გადააჭარბებს. გასული დღე-ღამის განმავლობაში ქვეყანაში 200 ათასზე მეტი ახალი შემთხვევა აღრიცხეს.