„გიორგი ცხადაძე და სოფო ბათილაშვილი სიღნაღში იმ სუფრაზე, რომელზეც "ფორმულა" ალაპარაკდა. კი მაგრამ თქვენი ჟურნალისტები ყოფილან თურმე მანდ და მე მაბრალებდით? აი, რა გავაკეთო?“ - წერს ლალი მოროშკინა.

„ფორმულამ“ მოამზადა სიუჟეტი: „მაჰათმა განდის 151-ე დაბადების დღე სიღნაღში და სხვა აბსურდული მიზეზები, რომელთა აღნიშვნაც ჩვენი ფულით ფინანსდება - სმა, ჭამა და დროს ტარება ბიუჯეტის ფულით! როგორ გამოიყურება კახელი მერებისა და საკრებულოს წევრების მსუყე მენიუ“, აცხადებს გადაცემის წამყვანი. სწორედ ამ სიუჟეტს გამოეხმაურა ლალი მოროშკინა და განაცხადა, რომ მან ფორმულას ჟურნალისტს ნახევარსაათიანი ინტერვიუ მისცა, სადაც დაწვრილებით აუხსნა, ამ ღონისძიებას, რომელიც ოქტომბრის დასაწყისში გაიმართა, არაფერი ჰქონდა საერთო ბიუჯეტთან და მერიებთან. ტრადიციულად, განდის დაბადების დღეს არასამთავრობო ორგანიზაცია აღნიშნავს, რომელსაც მოროშკინას მეგობარი ირაკლი კაკაბაძე ხელმძღვანელობს და თავადვე აფინანსებს. მოროშკინამ მხოლოდ საკუთარი სასტუმრო დაუთმო უსასყიდლოდ, რადგან როგორც ბევრს, დღეს ირაკლი კაკაბაძის ორგანიზაციასაც უჭირს. ტელეკომპანიამ კი ეს განმარტებები ეთერში არ გაუშვა და ბრალი დასდო ბიუჯეტის სახსრების უკანონო გამოყენებაში. „მოლხენა ყოველთვის კარგია, მეგობრობა, სიმღერა და ერთობა-კარგია!!! ბრალად არ უნდა გდებდნენ, განსაკუთრებით მაშინ, როცა ამ სუფრაზე არ ყოფილხარ!“, წერს მოროშკინა.