ევროკომისია ირანის მიერ ურანის 20%-მდე გამდიდრების პროცესის დაწყებით უკიდურესად შეშფოთებულია, - ამის შესახებ ევროკომისიის პრესსპიკერმა დღეს გამართულ ბრიფინგზე განაცხადა.

„ჩვენ ძალიან გვაშფოთებს ირანის მიერ გატარებული ზომები. ეს ქმედება ირანის მიერ ნაკისრ ბირთვულ ვალდებულებებს არღვევს და სერიოზულ შედეგებს გამოიწვევს“, - აღნიშნა ევროკომისიის ოფიციალურმა წარმომადგენელმა.

მისი თქმით, 2015 წელს მიღწეული ბირთვული შეთანხმების შენარჩუნება ძალიან მნიშვნელოვანია.

„ირანის ქმედებები სამწუხაროა, თუმცა ასევე ძალიან მნიშვნელოვანია, რომ შეთანხმება შევინარჩუნოთ,“- აღნიშნა ევროკომისიის პრესსპიკერმა.

შეგახსენებთ, 4 იანვარს ირანმა ურანის 20%-მდე გამდიდრების პროცესი დაიწყო.