14:52 06.01.2021
ალექსი მაჭავარიანი ლონდონში კიდევ ერთხელ აღიარეს

ცნობილი ქართველი კომპოზიტორი ალექსი მაჭავარიანი, მსოფლიო ყურადღების ცენტრში კიდევ ერთხელ მოექცა. ამის შესახებ მისი ვაჟის, ასევე ცნობილი დირიჟორის, - ვახტანგ მაჭავარიანის სოციალურ ქსელში გამოქვეყნებული პოსტიდან ვგებულობთ, რომელსაც, „ჯორჯიან თაიმსი“ უცვლელდ გთავაზობთ:

           

„მეგობრებო, მინდა გაგიზიაროთ ჩემი დიდი სიხარული:


1)  ლონდონში, ყოველწლიურ ჟურნალში "Shakespearean International Yearbook"  გამოვიდ პროფესორისა და დოქტორის, პარიზის სორბონის უნივერსიტეტის პროფესორის, ქ-ნი მიშელ ასსაი'ს (Michelle Assay) ვრცელი წერილი სახელწოდებით: "Hamlet in Soviet/post- Soviet Operatic Afterlife. Between Individuality and Political Allegory", სადაც კვანძური ადგილი უკავია ალექსი მაჭავარიანის ოპერა "ჰამლეტ"-ის ბრწყინვალე ანალიზს და ეთმობა მრავალი გვერდი.

 

2) ხოლო ამა წლის 10 და 11 დეკემბერს ჩატარდა ონლაინ კონფერენცია მოწყობილი მანჩესტერის და Huddersfield-ის უნივერსიტეტების მიერ  ინგლისის სამეფო მუსიკალური აკადემიის მხარდაჭერითა და პატრონაჟით, სახელწოდებით "Shakespeare in Music" New Interdisciplinary Perspectives, Inaugural Online Conference of the Shakespeare and Music Study Group, სადაც, ასევე მნიშვნელოვანი ადგილი დაეთმო ალექსი მაჭავარიანის ოპერა "ჰამლეტს" და კონფერენციაში მონაწილეობა მიიღო ქ-მა მიშელ ასსაიმ; Founder and Chair of Shakespeare and Music International Study Group (RMA).


ეს ის ოპერაა, რომელიც ალექსი მაჭავარიანმა  1979 წ. დაასრულა და რომელიც, აი უკვე 41 წელია არ გაიკარა თბილისის ოპერის თეატრმა. მისი დადგმის  შემოთავაზებები იყო პეტერბურგის "მარიას" სახელობის თეატრისგან (სადაც სენსაციური წარმატებით დაიდგა მისი ბალეტები "ოტელო" და "ვეფხვისტყაოსანი")  და კიდევ სხვა თეატრებიდან... მაგრამ, ავტორმა მადლობის შემდეგ მტკიცედ განაცხადა, რომ მან ეს ოპერა შექმნა ქართულ ენაზე და ოპერამ, პირველად სწორედ ქართულ ენაზე უნდა გაიჟღეროს.

 

მესმის, რომ გასული საუკუნის 80-ან და 90-ნ წლებში, რთული იყო თეატრის მესვეურებისთვის და ნომიკლატურული ბატონებისთვის  ჩაწვდომოდნენ პირველი ქართული "მუსიკალური დრამის" არსს, რაც უჩვეულო იყო მათთვის და რომელი ოპერის ესთეტიკაც, მუსიკალური და ტექნოლოგიური  ენა  შეგვიძლია შევადაროთ გენიალური ალბან ბერგ-ის ოპერა "Wozzek"ს, (ოღონდ ქართული სულით) მაგრამ, დღეს ხომ უკვე XXI საუკუნეში ვართ და წესით, პროგრესი უნდა მომხდარიყო. სხვა შემთხვევაში, ამ უკუღმართობის ფესვები სხვაგან უნდა ვეძებოთ.


მიხარია, რომ ამჯერად ჩვენი თეატრის ხელმძღვანელობამ სურვილი გამოთქვა  "ჰამლეტის" განხორციელების თემაზე, მით უმეტეს, რომ ოპერის მუსიკით აღტაცებულია რეჟისორი ანდრეი კონჩალოვსკი და სიხარულით დათანხმდა, რომ აღნიშნული ოპერა თბილისში, ქართულ ენაზე დადგას“,- წერს ვახტანგ მაჭავარიანი სოციალურ ქსელში.

 

სტატია იხილეთ ბმულზე

 

 




ავტორ(ებ)ი : geotimes.ge თამუნა დუღაშვილი