ირანის ლიდერმა აიათოლა ალი ხამენეიმ ქვეყნის მთავრობას აშშ-დან და ბრიტანეთიდან კორონავირუსის ახალი ვაქცინების იმპორტი აუკრძალა. ამის შესახებ ინფორმაციას სააგენტო  „REUTERS“-ი ავრცელებს.

„აკრძალულია აშშ და ბრიტანეთის ვაქცინების იმპორტი. მე ეს ვუთხარი ოფიციალურ პირებს და ახლა საჯაროდ ვამბობ,“- განაცხადა ხამენეიმ სატელევიზიო გამოსვლისას. მისივე თქმით, ამერიკელებს ვაქცინის წარმოება რომ შეეძლოთ, მათ კორონავირუსთან ბრძოლაში ასეთი მარცხი არ ექნებოდათ.