გამოცემა 7TRAVEL (bigseventravel.com) დისტანციური საქმიანობის მიხედვით, მსოფლიოში საუკეთესო ქვეყნებს ასახელებს. „50 საუკეთესო ადგილი 2021 წელს დისტანციური მუშაობისთვის“, ასე ჰქვია ვრცელ წერილს, სადაც ჩამოთვლილია მსოფლიოს 50 ქვეყანა და მთავარი ქალაქები. საქართველო, თბილისი დისტანციური საქმიანობის მიხედვით, მსოფლიოში საუკეთესოთა შორის მე-2 ადგილზე აღმოჩნდა! პირველ ადგილზე ესტონეთი და ტალინია. 

როგორც გამოცემა წერს, დღითი დღე იზრდება დისტანციურად მომუშავეთა რიცხვი, პლუს ბევრია ხეტიალის, ახლის ძიების მოყვარული. მარტივად რომ ვთქვათ, დისტანციური მუშაობა არის მომავალის საქმიანობა და ის სწრაფად მიდის წინ, ვითარდება. „სწორედ ამიტომ, ჩვენ შევადგინეთ საუკეთესო ქალაქების ჩამონათვალი 2021 წელს დისტანციურად მუშაობისთვის“, წერს გამოცემა. შემდეგ მოცემულია ვრცელი სია, იმ ქვეყნებისა და ქალაქების, სადაც 2021 წელს კარგად არის შესაძლებელი დისტანციურად მუშაობა.