მაშველებმა ინდონეზიაში ჩამოვარდნილი სამგზავრო თვითმფრინავის კატასტროფის ადგილიდან "შავი ყუთი" ამოიღეს, - ამის შესახებ ინფორმაციას CNN-ი ავრცელებს.

ინდონეზიის ადგილობრივი მედიის ცნობით, ჩამწერი მოწყობილობა ჯაკარტის ნავსადგურში გადაიტანეს. კომპანია Sriwijaya Air-ის კუთვნილი ბოინგი 737, რომლის ბორტზე 62 ადამიანი იმყოფებოდა, სამი დღის წინ ჯაკარტის ჩრდილოეთით იავის ზღვაში ჩავარდა. ის ჯაკარტის აეროპორტიდან აფრენის შემდეგ რადარებიდან მალევე გაუჩინარდა. თვითმფრინავი ინდონეზიის ქალაქ პონტიანაკში მიფრინავდა.