13:35 13.01.2021
ინდონეზიის პრეზიდენტმა კორონავირუსის საწინაღმდეგო ვაქცინა ქვეყანაში პირველმა საკუთარ თავზე გამოცადა

ინდონეზიის პრეზიდენტი ჯოკო ვიდოდო პირველი პირი გახდა ქვეყანაში, რომელმაც კორონავირუსის საწინაღმდეგო ვაქცინა გაიკეთა, - ამის შესახებ ინფორმაციას СNN-ი ავრცელებს.

 

პრეზიდენტის განცხადებით, ქვეყანაში იანვრის განმავლობაში 6 მილიონამდე ადამიანის ვაქცინაცია იგეგმება.

 

ინდონეზიაში კორონავირუსის წინააღმდეგ მოსახლეობის ვაქცინაცია დღეს დაიწყო. ქვეყანამ ჩინური ფარმაცევტული კომპანია Sinovac- ისგან ვაქცინის 3 მილიონი დოზა მიიღო. მას ასევე ხელი აქვს მოწერილი ხელშეკრულებებზე, რომელიც AstraZeneca- სა და Novavax-ის ვაქცინების 100 მილიონი დოზის შეძენას ითვალისწინებს.

 

ინდონეზიის სურსათისა და წამლის მარეგულირებელმა ორგანომ Sinovac-ის ვაქცინა გადაუდებელი გამოყენების მიზნით ორშაბათს დაამტკიცა.

 

ცნობისათვის, ინდონეზიაში კორონავირუსის 846 765 შემთხვევაა დადასტურებული, აქედან ვირუსს 24 645 ადამიანი ემსხვერპლა.




ავტორ(ებ)ი : geotimes.ge თამუნა დუღაშვილი