ფეხბურთელ გიორგი შაქარაშვილის გარდაცვალების საქმეზე დაზარალებული, ფოტოგრაფი იაკობ ბრეგვაძე გენერალურ პროკურატურაში იმყოფებოდა. როგორც ბრეგვაძემ ჟურნალისტებს განუცხადა, საგამოძიებო უწყებაში იმისთვის მივიდა, რომ გაერკვია, როდის დაუბრუნებენ ნივთებს, რომელიც ჩამოართვეს. “ჩამომართვეს კამერა და ტელეფონი და მაგის გასარკვევად ვიყავი, როდის დამიბრუნებენ. არ ვიცი, როდის დამიბრუნებენ, არ უთქვამთ, ალბათ პროცესი, როცა დასრულდება”, - განაცხადა იაკობ რეგვაძემ.

ცნობისთვის, ფეხბურთელ გიორგი შაქარაშვილის გარდაცვალების საქმეში ფოტოგრაფი იაკობ ბრეგვაძე ე.წ. ოქროს მოწმეა.