,,მრავალეროვან საქართველოში მსგავსი თემების გამწვავებაზე პასუხისმგებლობა სახელმწიფოს ეკისრება, რადგან სწორედ მას აქვს ყველა ბერკეტი სიტუაცია დააბალანსოს და ასეთი ინცინდენტები თავიდან აირიდოს“ - განაცხადა რადიო “ჯორჯიან თაიმსის” ეთერში ,,ევროპული საქართველოს’’ ერთ-ერთმა ლიდერმა გიგი წერეთელმა.

ჩოხატაურში რელიგიურ ნიადაგზე განვითარებულ მოვლენებზე საუბრისას, წერეთლმა აღნიშნა, რომ ეს სენსიტიური თემაა და სახელმწიფომ  ყველა ღონე უნდა იხმაროს პრობლემის დროულად მოსაგვარებლად.

„არც ტრადიცია უნდა დაირღვეს და არც სხვადასხვა რელიგიური კონფესიის წარმომადგენელთა უფლებები უნდა შეილახოს“, - აღნიშნავს წერეთელი.