უამინდობის გამო კობში დარჩენილ დამსვენებლებს გუდაურში გადაიყვანენ. ამისათვის მგზავრთა ტრანსპორტირების მიზნით, გუდაური-კობის დამაკავშირებელი საბაგიროები ჩაირთო. ინფორმაცია სათხილამურო კურორტ გუდაურის ფეისბუკ-გვერდზე გავრცელდა:

„მხოლოდ მგზავრთა ტრანსპორტირების მიზნით, გუდაური-კობის დამაკავშირებელი საბაგიროები: გუდაურა, ფირნი, კობი და თრუსო ჩაირთო და იმუშავებს 17:00 საათამდე. მგზავრობა უფასოა. მგზავრობის საშუალო ხანგრძლივობა – 40 წუთი“, – ნათქვამია ინფორმაციაში.

მათივე ცნობით, საბაგიროები 17:00 საათამდე იმუშავებენ.