დღე: 28

ღამე: 13

USD 2.691

EUR 2.8756

გიორგი შაქარაშვილის მკვლელობაში ბრალდებული 5 პირის სასამართლო პროცესზე ვახტანგ ახვლედიანი დაიკითხა 19.01.2021 18:44

ფეხბურთელ გიორგი შაქარაშვილის მკვლელობაში ბრალდებული 5 პირის სასამართლო პროცესზე დაზარალებული ვახტანგ ახვლედიანი დაიკითხა.

 

როგორც ახვლედიანის ადვოკატმა, კახა წერეთელმა ჟურნალისტებს განუცხადა, ახვლედიანმა სასამართლოს მიაწოდა ინფორმაცია, რაც მისთვის ცნობილი იყო და დაასახელა კონკრეტული პირებიც.

 

„არა მხოლოდ პროკურატურის, ასევე დაცვის მხარის ადვოკატებმა, ბუნებრივია, დავსვით უამრავი შეკითხვა. უფრო მეტი დრო წაიღო დაცვის მხარის შეკითხვებმა და ჩემი დაცვის ქვეშ მყოფმა ამომწურავად გასცა ინფორმაცია, ყველაფერზე უპასუხა, რაც მისთვის ცნობილი იყო.

 

საზოგადოებისთვის ცნობილია მის მიერ ამ საქმის მეორე ეპიზოდზე მიცემული ჩვენება. დასახელდა კონკრეტული პირებიც და გარემოებებიც, ის, რაც მისთვის იყო ცნობილი“,- განაცხადა წერეთელმა.

 

ცნობისთვის, ფეხბურთელ გიორგი შაქარაშვილის მკვლელობის საქმეზე ბრალდებულია 5 პირი: არჩილ გაგნიძე, ვახტანგ ჩიქოვანი, ნიკოლოზ რევაზიშვილი, ზ.ხ., ა.ქ.

ავტორ(ებ)ი : geotimes.ge თამუნა დუღაშვილი

ბოლო სიახლეები
 
 
 
 
 
 
 
 
 
 

 

 

ასევე დაგაინტერესებთ