მთავრობა რეგულარული ფრენების აღდგენაზე მუშაობს, მაგრამ ეს არ ნიშნავს ქაოტურ და უკონტროლო შემოსვლას ქვეყანაში - ამბობს ეკონომიკისა და მდგრადი განვითარების მინისტრი ნათია თურნავა

,,თებერვალი, სავარაუდოდ, იქნება ის თვე, როდესაც რეგულარულ ფრენებზე შეზღუდვებს მოვხსნით. ეს არ ნიშნავს ქაოტურ და უკონტროლო შემოსვლას ქვეყანაში. პირიქით, ეს იქნება კონკრეტულად კონტროლირებადი - ან ტესტებით ან ვაქცინაციის საბუთით ან სხვა ადეკვატური საბუთით კონტროლირებადი შემოსვლა''- განაცხადა თურნავამ.

მისი თქმით, ფრენების განახლება პირველი იმედი და მცდელობაა იმისა, რომ ქვეყანაში ტურიზმი აღდგეს.