დღე: 27

ღამე: 12

USD 2.676

EUR 2.8713

სოფელ ნატანებში მოკლული მამაკაცი თბილისის მცხოვრები აღმოჩნდა 21.01.2021 21:40

ოზურგეთის მუნიციპალიტეტის სოფელ ნატანებში მომხდარ მკვლელობას უძღოდა თუ არა კონფლიქტი, ადგილობრივებისთვის უცნობია. მათი ინფორმაციით, მოკლული თბილისის მცხოვრებია და ნატანებში სტუმრად იმყოფებოდა. როგორც ისინი ჰყვებიან, შემთხვევის დროს მასთან ერთად იმყოფებოდა მისი შვილი, რომლის ადგილსამყოფელი ამ დროისათვის უცნობია.

 

„გარდაცვლილი არის ამირან ფალავანდიშვილი, ოზურგეთის მუნიციპალიტეტის, სოფელ ზემო ნატანებში. ეს კაცი იყო თბილისის მცხოვრები. სტუმრად იყო ჩამოსული თავის ძმასთან ერთად. რა იარაღით აქვს ჭრილობა მიყენებული, არ ვიცი. ვიცი, რომ თავის შვილთან ერთად მოხდა ეს ამბავი, შვილი სახლში არ იმყოფება. დილით მეზობელმა ნახა გარდაცვლილი. არ ვიცი თუ ვინმესთან ჰქონდა კონფლიქტი, დანარჩენს გამოძიება დაადგენს“, - განაცხადა ადგილობრივმა მცხოვრებმა ვახტანგ გობრონიძემ.

 

ოზურგეთის მუნიციპალიტეტის სოფელ ნატანებში მკვლელობა მოხდა. მოკლულია 60 წლამდე მამაკაცი. მკვლელობის მოტივი უცნობია. შსს-ს ინფორმაციით, გამოძიება სისხლის სამართლის 108 მუხლით მიმდინარეობს, რაც განზრახ მკვლელობას გულისხმობს.

ავტორ(ებ)ი : geotimes.ge

ბოლო სიახლეები
 
 
 
 
 
 
 
 
 
 

 

 

ასევე დაგაინტერესებთ