მალხაზ ვანიშვილი რუს სამხედროებს ოფიციალური თბილისის მიერ კონტროლირებად ტერიტორიაზე გამოექცა.
ამის შესახებ, ინფორმაცია ,,ჯორჯიან თაიმსს'' სახელმწიფო უსაფრთხოების სამსახურში დაუდასტურეს.
ოკუპანტებისგან გამოქცეული პირი ახლა ხურვალეთის პოლიციაშია, სადაც მისი გამოკითხვა მიმდინარეობს.
ცნობისთვის, სოფელ ხურვალეთში, ოკუპირებულ ტერიტორიაზე მცხოვრები დათა ვანიშვილის შვილიშვილი, მალხაზ ვანიშვილი, 8 თვის ორსულ ცოლთან ერთად, ოკუპირებულ ცხინვალში გადავიდა და მოქალაქეობა მოითხოვა.
ახალგაზრდა მამაკაცმა ე.წ სამხრეთ ოსეთის მოქალაქეობა მიიღო, ფეხმძიმე ქალი კი ქართულ მხარეს დღეს გადასცეს.
ავტორ(ებ)ი : geotimes.ge