პოლიტოლოგი სოსო მანჯავიძე სოციალურ ქსელში ნიკა მელიას დაკავებას ეხმაურება:
"ალამუთის ციხე დაეცა ასასინები ტელევიზიებში გამაგრდნენ.ჰასან იბნ გვარამი ციხის კედლებში გაუჩინარდა. გრაალის თასი გაიტაცეს. ნატო ჩხეიძემ თმა გაიშალა, თვალნი ზეცად აღაპყრო. მისმა გოდებამ ზეცა შეძრა და იქიდან ეშვებიან ნათელმოსილი მიხეილ- არტური ესკალიბურით, რიში და შაჰინი წყვილ- წყვილად, კუბილიუსი და, რაც მთავარია, ჟიგამონტას პავილიონისი.
არადა, ისე იმუქრებოდნენ , რომ ამ ტვინით უმცირესობის წარმომადგენლებს ნაცების ოფისი მოსადა ეგონათ.
ვაი, ამათ პატრონს და ვაი ამ ქვეყანას ამდენი შიზოფრენიკის ხელში,"- წერს ის.
შეგახსენებთ, რომ „ნაციონალური მოძრაობის“ თავმჯდომარე ნიკა მელია დაკავებულია. შინაგან საქმეთა სამინისტრომ მელიას აყვანის სპეცოპერაცია პარტიის ცენტრალურ ოფისში გამთენიისას დაიწყო. ოპერაციის ფარგლებში შსს-მ სპეციალური ტექნიკა და სპეცდანიშნულების რაზმი გამოიყენა. გაუშვა ე.წ. წიწაკის სპრეი, რითაც პარტიის ოფისში მყოფი პირები დაშალა.
ავტორ(ებ)ი : Geotimes.com.ge