23:48 03.03.2021
გურამ კაშია „თბილისის ლოკომოტივის“ ფეხბურთელი გახდა

გურამ კაშია „თბილისის ლოკომოტივის“ ფეხბურთელი გახდა. ინფორმაციას თავად კლუბი ავრცელებს. საქართველოს ნაკრების ვიცე-კაპიტანმა თბილისურ კლუბთან 1- წლიან კონტრაქტს მოაწერა ხელი.

 

„ლოკომოტივში თავს ძალიან კარგად ვგრძნობ. ზამთრის მოსამზადებელი პერიოდი გუნდთან ერთად გავიარე; ვიყავი ესპანურ შეკრებაზე. საბოლოოდ, მივიღე გადაწყვეტილება, რომ კლუბს ოფიციალურად შევუერთდე. ახლა, გუნდის სრულფასოვანი წევრი ვარ და მისი ნაწილი. იმედი მაქვს, წარმატების მიღწევაში ჩემს წვლილს შევიტან“,- განაცხადა გურამ კაშიამ.

გამოცდილი მცველი ბოლოს „სან ხოსეში“ გამოდიოდა. ფეხბურთელმა კლუბი 2020 წელს დატოვა, რის შემდეგაც თავისუფალი აგენტის სტატუსით სარგებლობდა.




ავტორ(ებ)ი : geotimes.ge