მეგან მარკლი ბრიტანეთის სამეფო ოჯახს რასიზმსა და სიცრუეში ადანაშაულებს, ამბობს, რომ თვითმკვლელობის ზღვარზე მიიყვანეს. ინფორმაციას „როიტერი“ ავრცელებს.

ოპრა უინფრისთან, ტელეკომპანია „სიბიეს“-ში მიცემულ ინტერვიუში პრინც ჰარის მეუღლემ თქვა, რომ მის ვაჟს, არჩის, რომელიც ახლა უკვე ერთი წლისაა, უარი ეთქვა პრინცის წოდებაზე, რადგან სამეფო ოჯახში ბავშვის დაბადებისას არსებობდა შეშფოთება იმის შესახებ, რამდენად მუქი შეიძლება, რომ ყოფილიყო მისი კანის ფერი.

მეგან მარკლმა ინტერვიუში აღნიშნა, რომ მეუღლის ძმის ცოლმა, ქეითმა ქორწილის წინ ატირა. პრინც ჰარისა და მეგან მარკლის ბრიტანეთის დედოფალზე პირდაპირი ბრალდებები არ გაუჟღერებიათ.

„უბრალოდ აღარ მინდოდა მეცოცხლა. ეს იყო ძალიან მკაფიო, რეალური და საშიში მუდმივი აზრი“, – თქვა მეგან მარკლმა.