ჭყონდიდის ეპარქიის მიტროპოლიტი მეუფე სტეფანე დღევანდელ ინციდენტში მრევლს და სასულიერო პირების ნაწილს ადანაშაულებს და აცხადებს, რომ სიტუაციის დაძაბვა გარეთ შეკრებილებმა გამოიწვიეს. ის ეპარქიის დატოვებას არ აპირებს და აცხადებს, რომ ეს ადამიანები კონკრეტული ძალის მიერ არიან მართული და რაც დღეს ეპარქიაში ხდება, საქართველოს ეკლესიის წინააღმდეგ მიმართული ქმედებაა.

შეკრებილი მრევლი მეუფეს შეძახილებით, წადი შეხვდა, რასაც სიტყვიერი დაპირისპირება მოყვა. ამ წუთებში მრევლი ადგილზე რჩება. მათი მოთხოვნა უცვლელია - მეუფემ ეპარქია დატოვოს.