საქართველოს ყოფილი ვიცე-პრემიერი, პრეზიდენტის ყოფილი ეკონომიკური მრჩეველი თემურ ბასილია, რომელიც ამერიკაში ცხოვრობს, საინტერესო ინფორმაციას ავრცელებს:

გუშინ აღმოვაჩინე ქართული აჯიკა Trader Joe’s ქსელში. სასიამოვნო ის გახლავთ, რომ ალბათ პირველად ვნახე ქართული წარმოების პროდუქტი ტრადიციულ ამერიკულ საცალო სავაჭრო დაწესებულებაში. Trader Joe’s საკმაოდ პოპულარული ქსელია შეერთებულ შტატებში: 500-ზე მეტი მაღაზია აქვთ 42 შტატში. ქართული წარმოების პროდუქცია ამერიკაში ძირითადად ე.წ. რუსულ მაღაზიებში იყიდება, რომელსაც შეზღუდული რაოდენობის მომხმარებელი ყავს - ძირითადად ემიგრანტები ყოფილი საბჭოთა კავშირის რესპუბლიკებიდან. ამიტომაც, ტრადიციულ ამერიკულ სავაჭრო ქსელში ქართული წარმოების პროდუქტის შეტანა უკვე წარმატებაა.