საქართველოში ტურიზმის საერთაშორისო ინფლუენსერები ჩამოვლენ. მათ USAID-ის მხარდაჭერით ტურიზმის ეროვნული ადმინისტრაცია უმასპინძლებს.

საერთაშორისო პლატფორმა Steller საქართველოში პროექტ „Digital Day in the Life of Georgia“-ს მოაწყობს. 26 მაისიდან 4 ივნისის ჩათვლით საქართველოში პროექტი „ციფრული დღეები საქართველოში“ გაიმართება. Facebook-ის, Instagram-ისა და სხვა სოციალური ქსელების ბლოგერებისა და ინფლუენსერებისთვის პრეს-ტური გაიმართება. ჯამში საქართველოს 20-მდე ბლოგერი ეწვევა. 

სამმხრივი მემორანდუმი ტურიზმის ეროვნულ ადმინისტრაციას, USAID-ის ეკონომიკური უსაფრთხოების პროგრამასა და სამოგზაურო პლატფორმა Steller-ს შორის გაფორმდა. 

Steller-მა მსგავსი კამპანია 2019 წელს ირლანდიაში გამართა, შედეგად სოციალურ ქსელებში 72 მილიონი ნახვა და რეაქცია მიიღო.