13:48 11.05.2021
მთიანი ყარაბაღის კონფლიქტი მოგვარებულია - ილჰამ ალიევი

კიდევ მინდა ვთქვა, რაც არაერთხელ მითქვამს, რომ მთიანი ყარაბაღის კონფლიქტი მოგვარებულია, - ამის შესახებ აზერბაიჯანის პრეზიდენტმა ილჰამ ალიევმა განაცხადა.

 

მისი თქმით, ბრძოლის ველზე გამარჯვებამ “აიძულა მტერი ფარ-ხმალი დაეყარა”, დანებებულიყო და კაპიტულაციის აქტისთვის ხელი მოეწერა. “10 ნოემბერს ხელმოწერილი დოკუმენტი არის კაპიტულაციის აქტი სომხეთის მხრიდან,“- აღნიშნა ალიევმა.

 

მისი თქმით, აზერბაიჯანში არ არსებობს ტერიტორიული ერთეული, სახელად მთიანი ყარაბაღი.

 

“კონფლიქტი მოგვარებულია და ამ საკითხზე დაბრუნებას აზრი არ აქვს. უპირველეს ყოვლისა, თუ ვინმეს ჰგონია, რომ მთიანი ყარაბაღის კონფლიქტი არ მოგვარებულა, ეს მისი პრობლემაა. მეორეც, ეს არის ძალიან საშიში მიდგომა. თუ ეს კონფლიქტი არ მოგვარებულა, როგორ უნდა მოგვარდეს? ნიშნავს ეს იმას, რომ 10 ნოემბერს ხელმოწერილმა განცხადებამ ძალა დაკარგა? ასე მესმის ეს“- აღნიშნა ალიევმა.




ავტორ(ებ)ი : geotimes.com.ge