მწერალთა სახლში მაია ბათიაშვილის ლექსების პირველი კრებულის პრეზენტაცია გაიმართა.

„სიტყვები“ - ასე დაარქვა მწერალმა წიგნს, რომლის წინასიტყვაობაც პოეტ ტარიელ ხარხელაურს ეკუთვნის.

მწერალთა სახლში გამართულ პრეზენტაციას პუბლიცისტები, საოგადოებისთვის ცნობილი სახეები, მწერლის ახლობლები და ოჯახის წევრები ესწრებოდნენ.

"წიგნის გამოცემის იდეა მას შემდეგ გაჩნდა, რაც სოციალურ ქსელში ჩემს მიერ გამოქვეყნებულ ლექსებს დიდი მოწონება მოჰყვა. კრებულში ის ლექსებია შესული, რომელიც მეუღლეს, ირაკლი ბათიაშვილს მივუძღვენი. ამ ეტაპზე მოთხრობებზე ვმუშაობ, რასაც, მალე, წიგნად გამოვცემ", - განაცხადა მაია ბათიაშვილმა  ტელეკომპანია "ჯორჯიან თაიმსთან" საუბარში.