პოლიტოლოგი გია ხუხაშვილი სოციალურ ქსელში პროკურატურის ბრიფინგს ეხმაურება:
"თუ პროკურატურას უნდოდა ფარულ ჩანაწერთან დაკავშირებით საქმის დახურვა, ეს უნდა გაეკეთებინა ყოველგვარი ხმაურის გარეშე.
ბრიფინგით მათ მოახდინეს უკვე პრაქტიკულად მივიწყებული საქმის აქტუალიზაცია, რითაც კიდევ უფრო დააზიანეს ჩანაწერის ფიგურანტები.
ახლა მთავარი კითხვაა - ეს შეგნებულად გააკეთეს, თუ სიბრიყვით მოუვიდათ?"- წერს გია ხუხაშვილი.
შეგახსენებთ, რომ გენერალურ პროკურატურაში 2021 წლის 6 მარტს ტელეკომპანია "პირველის" გადაცემა "ნოდარ მელაძის შაბათში“ გასულ აუდიოჩანაწერებთან დაკავშირებით ბრიფინგი გაიმართა.
„მაღალი საჯარო ინტერესიდან გამომდინარე, გვსურს საზოგადოებას მივაწოდოთ ინფორმაცია 2021 წლის 6 მარტს ტელეკომპანია "პირველის" გადაცემაში "ნოდარ მელაძის შაბათი“ გასული ფარული აუდიო ჩანაწერების საფუძველზე დაწყებული გამოძიების შუალედური შედეგების, ამ ეტაპზე დადგენილი გარემოებებისა და მოპოვებული მტკიცებულებების შესახებ."
განცხადება იხილეთ ვრცლად.
ავტორ(ებ)ი : Geotimes.com.ge