1993 წელს უნგრეთის ერთ-ერთ გაზეთში პუბლიცისტმა კადარ ზოლტანმა სტატია გამოაქვეყნა. მან წამოაყენა ვარაუდი, რომ უნგრეთის სამეფოს დამაარსებელის, გამაქრისტიანებელის და პირველი მეფის იშტვან (სტეფანე) პირველის (997-1038) გვირგვინი ქართველმა ოსტატებმა შექმნეს.

ეს გვირგვინი უნგრელების ერთ-ერთი ყველაზე დიდი რელიკვიაა. მას ,,წმინდა გვირგვინს" უწოდებენ. ზოლტანის აზრით გვირგვინი დასავლეთ საქართველოშია გაკეთებული, ადრეულ შუა საუკუნეებში. ამასთანავე, ზოლტანი ასკვნის, რომ გვირგვინი იშტვანის მეფობის დროს ხელმეორედ შეუმკიათ ქართველებს, კერძოდ ხახულის ხატის (X - XII) ოსტატებს. ამით აიხსნება გვირგვინზე არსებული მონარქის მედალიონისა და ხახულის ტრიპტიქონის დიდი მსგავსება.