"ეგეოსის ავიახაზებმა" თბილისი-ათენის მიმართულებით ავიარეისი გვიან ღამით შეასრულა. ავიაკომპანია "ეგეოსის" დირექტორის, ოთარ თაყაიშვილის თქმით, ბორტზე 170 მგზავრი იმყოფებოდა - უმეტესად საქართველოს მოქალაქეები, რომლებიც, ძირითადად, სამუშაო ადგილებს დაუბრუნდნენ.
მან იმედი გამოთქვა, რომ მსგავსი რეისის გარდა, ოქტომბერში შესაძლებელი იქნება ათენი-თბილისის რეისის განხორციელებაც.
მგზავრებისთვის გამგზავრებამდე covid-19-ზე ტესტის გაკეთება სავალდებულო არ იყო. ადგილობრივი რეგულაციებით, საჭიროების შემთხვევაში, მოქალაქეები შემოწმებას ათენის აეროპორტში გაივლიან.
ავტორ(ებ)ი : Geotimes.ge