ცნობილი ქართველი პიანისტი, პარლამენტის წევრი ელისო ბოლქვაძე სოციალურ ქსელში ინფორმაციას ავრცელებს:
„მსურს გაცნობოთ, რომ იუნესკოს გენერალურმა დირექტორმა ოდრე აზულემ განაახლა ჩემი მანდატი "იუნესკოს მშვიდობის არტისტის" რანგში. როგორც პირველი ხელოვანი საქართველოდან, მოხარული ვარ, რომ შევძლებ მოცემული მაღალი სტატუსის საშუალებით, მრავალი საერთაშორისო კულტურული პროექტი განვახორციელო, ჩემი ქვეყნის საკეთილდღეოდ“, წერს ელისო ბოლქვაძე.