რუსთავში ერთ-ერთი ობიექტის მშენებლობაზე მუშა დაშავდა. ინფორმაციას "ინტერპრესნიუსი" ავრცელებს. მათი ინფორმაციით, სამშენებლო სამუშაოების წარმოების დროს, ამწე ამოტრიალდა და შედეგად დაზიანება მიიღო მემანქანემ.
დაშავებული სასწრაფო-სამედიცინო დახმარების ჯგუფმა კლინიკა ,,რუსთავში“ გადაიყვანა.
როგორც კლინიკაში აცხადებენ, შეყვანისას პაციენტი კონტაქტური იყო, ამ დროისთვის, მას გამოკვლევები უტარდება.
მშენებლობის ტერიტორიაზე მობილიზებულია პოლიცია.
ავტორ(ებ)ი : geotimes.ge