საქართველოს წარმატებული გამოცდილება სიამოვნებით გავუზიარე მსოფლიო ლიდერებს გლობალური ვაქცინაციის სამიტზე, რომელსაც დღეს გაერთიანებული სამეფო მასპინძლობდა, - ამის შესახებ საქართველოს პრემიერ-მინისტრი გიორგი გახარია სოციალურ ქსელ „ტვიტერში“ ოფიციალურ გვერდზე წერს. მთავრობის მეთაური მადლობას უხდის ვაქცინაციისა და იმუნიზაციის გლობალურ ალიანსს და ყველა მონაწილეს, გლობალურ ჯანდაცვაში შეტანილი წვლილისთვის.

„საქართველოს წარმატებული გამოცდილება სიამოვნებით გავუზიარე მსოფლიო ლიდერებს გლობალური ვაქცინაციის სამიტზე, რომელსაც დღეს გაერთიანებული სამეფო მასპინძლობდა. მადლობას ვუხდი ვაქცინაციისა და იმუნიზაციის გლობალურ ალიანსს და ყველა მონაწილეს გლობალურ ჯანდაცვაში შეტანილი წვლილისთვის. ერთად ნამდვილად შევძლებთ უკეთესი და მეტად უსაფრთხო მომავალი შევუქმნათ ახალ თაობებს“, - წერს გიორგი გახარია „ტვიტერში“.

პრემიერ-მინისტრის განცხადებას მთავრობის ადმინისტრაციის პრესსამსახური ავრცელებს.