პრემიერმა ირაკლი ღარიბაშვილმა რამდენიმე დღის ეკონომიკის გახსნის გეგმა წარადგინა.

გეგმის თანახმად, ორშაბათიდან რამდენიმე რეგულაცია კიდევ მოიხსნება. კერძოდ, პირველი მარტიდან, ორშაბათიდან:

- კონფერენციები და ტრენინგები შესაბამისი პროტოკოლის დაცვით განახლდება;

- ბათუმში რესტორნები შიდა სივრცეებში ფუნქციონირებას განაახლებენ შაბათ-კვირის გარდა;

- სკოლამდელი აღზრდის დაწესებულებები, როგორც საჯარო, ისე კერძო, ფუნქციონირებას აღადგენენ 2 კვირაში ერთხელ თანამშრომლების 20%-ის სავალდებულო ტესტირების პირობით;

- უმაღლესი და პროფესიული სასწავლებლები კლინიკური, პრაქტიკული, ლაბორატორიული საქმიანობის აღდგენას და გამოცდების არადისტანციურ ფორმატში ჩატარებას შეძლებენ;

- მუზეუმები და ბიბლიოთეკები საქმიანობას განაახლებენ;

- იმ ქვეყნების ჩამონათვალს, საიდანაც მოქალაქეებს საქართველოში საჰაერო საზღვრის გავლით შემოსვლა შეეძლებათ, 6 ქვეყანა ემატება. ესენია: სომხეთი, აზერბაიჯანი, უკრაინა, ყაზახეთი, რუსეთი, ბელარუსი.